الجمعة. يوليو 19th, 2019

بوابة شموس نيوز

إلكترونية – يومية – مصرية

أين رجال العالم؟!

1 min read

بقلم دينا عبد اللطيف – لايف كوتش – شموس نيوز

الراجل ماله متغير كده ليه بدرجة ميتسكتش عليها .
يبقي اناني ومش شايف غير نفسه وحياته وكاريره وشغله ولبسه وهيا وﻻ تفرق معاه صفر علي الشمال ويقلل منها ويضعف شخصيتها.
وﻻ اللي بيتجوز عشان يلاقى اللي تطبخ له وتغسل وتمسح وتربي العيال وهو يعيش حياته براحته.

واللي يبقي متخيل نفسه مهند والبنات حتموت عليه ويخونها ببصه لديه وغمزة لدي والله اعلم حيعمل اية تاني.
وﻻ العكس اللي بكرش ومتخيل نفسه يتجوز ملكة جمال العالم واللي لو اتجوزته بتاخده لفلوسه مش اكتر من كده.
والبخيل في فلوسة وحتي مشاعره وده من اصعب انواع الرجال في التعامل معاه.
واللي بيشتم ويطلع اسوء الفاظ والحجة اصله متعصب!
واللي عديم المسؤلية في البيت مع مراته ف الحياة وتربية والوﻻد وكمان وصلت انه ميصرفش عليها وينزلها تشتغل وتصرف هيا على البيت.

والمنافق اللي بيكدب في كل حاجة ويطلع نفسه من اي مشكله بكدبه عليها.
والمتذبذب ضعيف الشخصية اللي حتﻻقي كلامه من دماغ غيره وغالبا بيحب يسمع كﻻم ماما وده تجوزيه وتسمع كﻻم مامته برضو وتجيبو اجيال تسمع كﻻمها وهكذا.
وعكسه المتسلط اللي عايش دور الديكتاتور اللي بيامر وانتي عليكي تنفذي.
والمحبط اللي في اﻻغلب حيكره شغلك او نجاحك وحيخليكي قاعده بتنقي رز بس !!
فيه تعديل هام ﻻزم نعرفه وهو ان كل اﻻصناف دي للاسف ما هي اﻻ اشباه رجال
انا مش ضد الرجالة خالص الراجل الجدع الحنين ابو قلب ابيض وعقل كبير لكن ارفض اشباهه بشده.
السؤال الذي سأظل اسأله اين هم الرجال؟
-دينا عبد اللطيف