السبت. يوليو 4th, 2020

بوابة شموس نيوز

إلكترونية – يومية – مصرية

السر بره البير

1 min read

جرجرني جوه الحلم الوردي             
وريني الضى ف أرضى                                                                             
أيام ما كان ………………
جدنا يبوس ……                                                                   
أيام ما كان .. صادق وسليم                     
فرش الدفة الغالية بيده                                                                         
حتى حفيده                                                                                            
لـمّ بكرمه ف جير وسليم                                                                  
كل العبري ..                                                                                                         
بس خسارة . حتى العبري                                        
جحد اللقمة ..                                                                                           
داس العفة ..                                                                                                         
كَسر كل سنين الحكمة                                                                                   
وفوق كنعان ..                                                                                           
لسه الحلم الفارد ضيه                                                                                           
السكة .. والمـد البراح                                                                                                 
حلم البنت المسكون بيها                                                              
إزاى ؟!                          
تجنى جناين حلم خرابها                                                  
تمسح وش عرقها البايش                                                              
يطلع شوق مغشوش متحنط                                 
صابب مطره الهايج سيف                                                 
إعصار بقناع اللحظة                                                                                                             
شارب من عنف الصخرة                                                             
كاسات ..                                                              
فى كفوفها .. إزاى                                                                                                                   
تستلهم مد براح                                                                                                                                                        
لجناح الحلم الـ داخل                                                                               
دولاب غرغرة ..                                                                                                               
فترمى بكف ضعيف م تزلزل             
جذع النخلة                                                                                                                                                   
تشرب ماء براءتها                                                                                                                                   
وتلمس :                                                      
الأرض وحمها مسيح                                                                                                            
إزاى البنت إلـ …                                                                                                                                                  
متساوية وأنفاسها                                                                                                                                         
بتنفخ عين النار ف قزاز                                                                    
حسادها .. سبع بسْلات                                                                        
يتوضى البير ف طهر السر                           
ويطلع ..   \\\”يوسف \\\”                                                                                  
يبقى .. أمير .مالك                                                                                                                                     
مملوك . متصان . متصيت                                                    
بيفسر حلم الصدق عزيز                                                                                
علشان البر يعيش                                                                                                                                                    
سبع بقرات ..                                                                                                    
وسبع سنوات ..                                                                         
يقطع راس الزيف ..                                                                                                     
وأهى ماشيه البنت                                                                                                                       
الإسم . الكسم . الطيف                                                                   
تُنظر لزليخة ..                                                                                                                                                                
يلمسها شعاع السر تطير                                                                      
فتقطّع طيف أطرافها                                                                                                              
تكشف عن عرجون متخبى                                      
ف لون ألوانها .. عظيم                                                                         
وتكيد لمليكها.                                                                                                                                            

لساها البنت بـ تسرى                                                                                                 
من تلج لصيف..                                                                                                                                                                
تكشف عن وجه جديد                                                                                          
للبوح..                                                                                                                                       
تصعد مركب نوح                                                                                                                                                     
بنّيه بروح إنسيه                                                                                                                                                            
تلاغى وليف مأسور ..                                                                                             
تلمس خد الشط البنــ …                                                                               
وتقطع سور ورا سور                                                                                                                     
تبنى العش الأخضر                                                                                                                                  
عند الصخرة ..                                                                                   
وقبة بيصعد منها بُراق                                                                                           
وينزل أعظم ضيف ..                                                                                                         
البنت بـ تنسى ألسكه                                                                                                     
ف مد الحلم / الزيف                                                                                                       
تتسبح ف عيون نشوتها                                                                           
تغرف من نور السر                                                                                                                                       
وتشرب لغة الطير                                                                                                                                                       
خلاص مبقاش م الخوف                                                                   
غير الموت ..                                                                                                                   
مبقاش ف حجارة البير                                                                                     
.. السر خطير

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *