الأثنين. سبتمبر 16th, 2019

بوابة شموس نيوز

إلكترونية – يومية – مصرية

الي أميرة النساء

1 min read

الشاعر محمد المخزنجى

بقلم الشاعر محمد المخزنجى
مسكون أنا بداء الفراق
من سموم نظرة
وانت اللي جيتي بالحنين
ترياق
عينك براق
سافر بروحي للسما
تاهت مشاعري
بين نجوم وغيوم
فتحت صناديق ماتيسر
من مطر .. ذاع الخبر
دبلت هموم
كانت في عز النوم في يوم
سمعت نداء
بعتر جناين حلمها
ف اتبدلت أشلاء
يامن زرعتي جوه قلبي
ضله للعشاق
ف ماعدش من كتر الوجع
بيئن
واكمن شوقي من زمن
لعيونك انت
كان اسير بيحن
طار بين خرايط
جنتك عصفور
محتار يزقزق بالغنا
ولا يدوق النور
فاختار فروع
من سوسناتك سكن
يامن بهمس وبس
بليتي ريقي الحطب
أنا بعترف لك إن
كل الكلام واللقا
كان قبل منك خطب
سكناه حروف الزيف
سنين
فبقيت سجين
زنازين شطوط القلق
وانا كنت عشمان في الغرق
فجأة انفلق لحظة حضورك
بحر موجه شدني
عمري اللي كان مني اتسرق
وقع اندلق شنطة سفر
علي باب غرام
كان من زمااان مقفول
فبقيتي من غير تذكرة
ولا حتي تأشيرة دخول
آخر محطات الوصول

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *