الأربعاء. أغسطس 12th, 2020

بوابة شموس نيوز

إلكترونية – يومية – مصرية

تحكمونا يا تقتلونا؟

1 min read

اقتلونا مش مهم           ما احنا أصلاً ميتين
لو نعيش و بلادنا     ضايعة وسط الشياطين
فتوى تهدر دم حر       كفرة تقتل مؤمنين
دم جيشنا بيُستحل          لجل حفنة مجرمين
قلناهوالجاني مين     قالوا إخوان مسلمين!
 
يخطفوا زهرة شبابنا        الجنود المخلصين
البراعم من ولادنا      صبحوا ايتام محرومين
انتشر لون السواد    يصبغ الشعب الحزين
الربيع اعلن حداد     قال هييجي ليه و فين
ضحكنا أصبح نواح       والغنا زي الأنين
 
مصرنا كانت فريسة    واقعة بين الصيادين
اللي عايزين ينهشوها     أصلها الصيد الثمين
تحكمونا يا تقتلونا؟      انتوا أصلا تبقوا مين؟
غير جماعة إرهابية     في كل ملة و كل دين
حكمكم دة مش علينا     هو دة الحكم المهين
 
ياما حذرنا الجماعة      إوعى بينا تستهين
كنا سايبينكوا بمزاجنا      قلنا فيكوا مغيبين
صبرنا مش ضعف منا      شعبنا مش مستكين
جيلنا عانى من شيوخكم        للحقيقة مدلسين
إن نصر الله قريب        حتى لو كان بعد حين
 
جيشنا كان حافظ تاريخكم   في الخيانة من سنين
انتفضنا خلف جيشنا         كلنا متوحدين
 المسيحي صام معانا     زي جده من سنين
يومها أحباط المؤامرة      حرر الشعب الرهين
والتمن كان من دمانا     يعني ما احناش ندمانين
 
كنا شعب برئ مسالم     ايه جرى لنا يا مصريين؟
والحقيقة لسه فينا       ناس بتشعر بالحنين
للمحبة و التسامح      في قلوبنا مطبوعين
للأمان ف احضان بلدنا        و الأهالي الطيبين
يا اللي مش عارفين قيمتها     مصر هبة المصريين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *