الأحد. نوفمبر 17th, 2019

بوابة شموس نيوز

إلكترونية – يومية – مصرية

دموعي

1 min read

الشاعرة وفاء خليل عبد الهادى – شموس نيوز

دموعي بردت ناري
كتبت ف جرحى اشعارى
وقولت كلام اهون بيه
علي جرحي وجراح غيرى
لقيتنى عايشه على جرحه
وهوبياولادارى
وكان نفسي ياناس يفهم
بان القلب ليه شاري
لكن بياع وباع حبي
وناوى كمان خداع قلبي
وناوي كمان يزيد احزان
يبيع عمرى عليه تانى
ويرجع تانى يتاسف
يقولى كان لؤنا نصيب
ياربته مره كان شارى
ماكانت تبكى يوم عينى
عيونى حزينه تعبانه
جرحنى بقوه بامانه
ورافض انه مره يعيش
مايبقاش ليه ضحايا كمان
مكمل دوره الغلبان
وهو عمره كان قادر
لكن عايش ف دور غلبان
وناسي انه عليه بيبان
دا حتي كدبه مش محبوك
يقول اسف وعايش
بس لجل يطوف
علي قلوب الضحايا كمان
يكسرفي قلوب عشقاه
ياريتنى ياقلبي ما هويته
ولا نزلت دموعي يوم
علي قلب مالوش عنوان
ولا عارف طريقه فين
ياريت ترتاح يادموعى
بتنزلى ليه علي اللى باع
ياريت بقي تشترى نفسك
وعيشي لنفسك انتى كمان
كفايه العمر ضاع منك
ف حزن وقسوة الايام
تعالي مره يوم نفرح
وتنسي الهم والاحزان
ياريت ترتاح يادموعى
وعيشي غاليه انتى كمان

كلماتى
شاعرة الرومانسيه الاعلاميه وفاء خليل عبد الهادي