الخميس. سبتمبر 19th, 2019

بوابة شموس نيوز

إلكترونية – يومية – مصرية

طير جريح

1 min read

بقلم / جيهان السنباطى

طير بجـــناح مكسور
بيحاول يطول الســـــما
شايف الطيـــور ف النور
اشباح سودا بأجنحه
مد جناحه حرك ريـــشه
حاول يطير لكن وقع
قال لإخواته عليكم أمانة
تداوو جــريح بيتوجع
الكل شافه غرقان ف دمه
ولاحـــطوا جمبـــه
وليه يداوه وايه هياخدوه
وهو نايم على جمبه
بص الطيــــر حواليه
دور على إيد تــــــــدوايه
لكن ياخسارة مفيش
وهيعمل إيه وليـــــــــه
وبكل حسرة قال الكل
سابنى بعد اللى صابنى
ساعدنى ياربى مليش غيرك
وبرحمتك إرحمنى
وف لحظة حس بلمسه
حس بإيد عليه بتطبطب
شاف ملامحه حس بعطفه
وهو بيحاول يطيب
ميعرفوش ولاكلموش
بس ساعده من غير تمن
ملاك بشوش م السما
رحمة لقلب داب م المحن
وبعد ماشفى رجع يطير
ويغنى ف السما تانى
بس إتعلم لايوم يشتكى
ولايستسلم لحد أنانى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *