الأحد. يناير 24th, 2021

بوابة شموس نيوز

إلكترونية – يومية – مصرية

عشر دقائق…كفايه !!

1 min read

بقلم داليا جمال – شموس نيوز

عشر دقائق فقط من المطر متوسط الكثافة كانوا كافين جدا لإغراق القاهره الكبري في شبر ميه !
ولم تجد زخاتها مكانا غير رؤسنا وشوارعنا لتستقر بها !!
عشر دقائق فقط لاغير …لم يفلح معها أسطول من عربات شفط المياه حتي كلت محركاتها…ولم تفلح !
وكل هذا وأكثر..و لم يفكر أحد المسؤلين الجهابذه أن كل مانحتاجه هو عشر دقائق فقط من التفكير السليم
أعتقد أن ثمن سيارة واحده من سيارات شفط المياه المستورده ذات التجهيزات الفنيه الخاصه .. يكفي وزياده لعمل المئات من بالوعات صرف مياه الأمطار
فلماذا لا نبدأ من الآن .. وواحده واحده .. يوم ورا يوم .. سنة ورا سنة يصبح عندنا شبكة لمياه الأمطار حتي لو استغرقنا الأمر عشر سنين بس نبدأ .
فبلاعة المطر هي مجرد (جرجوري ) فتحة جانبية بالشارع متوصلة بماسورة علي البلاعة اللي في نص الشارع .. نفس فكرة بلاعة الحمام في بيوتنا كلنا بالضبط ، يعني لاهي اختراع ولا هي التكلفة المضلعة اللي ما حصلتش …. بالعكس .
انت كمواطن نفسك تشوف الشواع بعد المطر ناشفة بدل دمك اللي بينشف من الخوف لتتكهرب من عمود كهربا ، أو رجلك تنزل في بلاعة مفتوحة مش باينة. أما لو ربنا فاتحها عليك وعندك عربية .. هتعطل بيك ضروري في مطلع كوبري أو منزل نفق .. بس انت ماتستعجلش علي رزقك .. وما دمت حضرتك مش عاوز تتنازل وتنزل وتغرق وتتهان معانا في مياه الأمطار في الشارع ، فأبشرك أن عربيتك هتعطل هتعطل .. والميه هتدخل لحد عندك وتغرقك وانت قاعد معزز مكرم في قلب عربيتك .
أيوه طبعا .. أومال ، أنت عاوز فرصه زي دي تفوتك ،دي المطره في مصر بتنزل يومين تلاته بس في السنه !
وعلي رأي أحد كبار الساده المسؤلين ممن أذهلونا بعبقرية تصريحاتهم ونباهة قراراتهم.. أنت عاوز فرصه زي دي تفوتك وماتغرقش .. دي البلد كلها بتغرق ياراجل لمجرد عشر دقايق مطر .