فضفضة واحدة.. ست

مشاهدة
أخر تحديث : الإثنين 3 أبريل 2017 - 8:20 صباحًا
فضفضة واحدة.. ست

بقلم سالمة المغربى – مصر
بعنوان .. و ماتسواش ليه؟!

موضوع النهارده يا جماعة مهم .. طبعا مهم و نص و بالذات لو كان فيه لمحة من الدين أو عن حكمة ربنا سبحانه و تعالى.
كنت بدردش مع صحبتي و ف وسط الكلام قالت لي:
_ يااا ستي سيبك .. الدنيا متسواش.
هزيت راسي لها بالموافقة على كلامها .. و بعد لحظة واحدة غيرت رأيي و قلت لها :
_ لا.. كلامك غلط يا حبيبتي . الدنيا تساوي و نص كمان .
بصت ليا و كأنها هتقوم حرب عليا و وقفت على حيلها و قالت:
_ يا شيخة قولي كلام غير ده ! .. ربنا سبحانه و تعالى قال عنها متسواش جناح بعوضة.. و آل إيه بتاعة أزهر آال!

خدتني العزة بنفسي و قمت أرد عنها و عن الأزهر الشريف و جيت لها من ناحية الدين برضه علشان تكون دي أخر مرة تقطم فيا و في الأزهر كمان.. قعدتها و قلتلها:
_ مين إللي قال كده مش هو ربنا؟
طيب دي بالنسبة لربنا فعلا لا تساوي جناح بعوضة إللي جناحها اكتشف العلماء أنه يعيش عليه كائنات دقيقة كتيييير .. ليه مش بتفرقي بين مقام الله و مقام عبده؟!
قامت وقفت و قالت:
_ حاشا لله يا ست سالمة.. أنتي عايزة تقولي إيه خلصيني قبل ما أتورط في كلام يغضب ربنا.
_ شوفي يا ستي .. ربنا عز وجل لما يتكلم عن نفسه منخدش الكلام و نطبقه علينا إحنا كمان _بمعنى_ إن لو الدنيا متسواش بالنسبة للبشر حاجة مكنش ربنا خلقها أصلااااا .. و لا طلب منا نعمرها و لا نمشي فيها و نطلب الرزق و لا نبني بيوت عبادة عليها و لا نخترع أشياء تعلي من قيمتها .
و كمان أقولك بكل ثقة أنها تساوي الكثير ﻷن ربنا سبحانه و تعالى خلقها قبلنا .. و هيأها لأبونا آدم عليه السلام .. تفتكري يعني لو ربنا مش مقدرها و لا مقدر حياة بشر و حيوانات و طيور و حشرات .. كان زينها ليه ؟!
و زي ما سخرها لنا برضه سخرنا إحنا كمان لتعميرها و نهانا عن خرابها و الفساد فيها و في الآخر خيرها يعم علينا.
صحبتي سكتت شوية و قامت شايلة شنطتها من على الكنبة و علقتها على كتفها و مشت كم خطوة كده و قالتلي:
_و الله العظيم عندك حق .. لك حق تفتخري .. بالأزهر .. فعلا .. دي تسوى و نص ..صحيح يا ولااااد العلم نور. (سالمة المغربي).

كلمات دليلية
رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة بوابة شموس نيوز الالكترونية وهي تلزم بمضمونها كاتبها حصرياً.