الأثنين. سبتمبر 16th, 2019

بوابة شموس نيوز

إلكترونية – يومية – مصرية

قصيدة صكوك الوهم

1 min read

الأديب صالح شرف الدين

بقلم الشاعر صالح شرف الدين

قصيدة صكوك الوهم
………………
(بقدر ما نبتعد عن إنسانيتنا
نبتعد عن الحق والخير والجمال )
……………………………….
قاعد يرسم لينا ف صورة
لوحة تزوّد في أوجاعنا
تفلت منّه حروف الضيْ
ويغمّق ف المعنى
نفسي يحس بينا ف يوم
يرحم من حرفه أسماعنا
……………………..
مش عارف
إن الحرف بيرسم صاحبة
بيكشف سرّه
إن الكلمة رصاصة قوية
أوفى صديق
وأغلى هدية
كلمة تنور
كلمة تعلّي
كلمة حق نقولها تملّي
من غير ما نخمّن ونظن
كل الكون أصغر من كن
………………………
أما الغافل والغفلان
قاعد يرسم لينا ف صورة
لوحة تزوّد في أوجاعنا
تفلت منّه حروف الضيْ
ويغمّق ف المعنى
نفسي يحس بينا ف يوم
يرحم من حرفه أسماعنا
……………………………
رافع راية الكتاّب
فين الراية وفين الفن
هيّ الراية تخلّد ضيْ
بايع نفسك شاري الوهم
إمتى يصنع كاتب صك
حرف الكاتب
حرفه الحر
عالي يرفرف
فوق ف سماه
إلهامه من عند الله
سحر وساحر
راية البيضه
جوه القلب
فنه يخلد
فكره السامي
عمره ف يوم
ما داس الضيْ
عمره ف يوم
ما فرّق حد
بيحب الحق ويفديه
لما يغيب الكون يبكيه
لما يموت النور يحيية
……………..
أما السابح ف الأوهام
قاعد يرسم لينا ف صورة
لوحة تزوّد في أوجاعنا
تفلت منّه حروف الضيْ
ويغمّق ف المعنى
نفسي يحس بينا ف يوم
يرحم من حرفه أسماعنا
………………………

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *