الأحد. يوليو 21st, 2019

بوابة شموس نيوز

إلكترونية – يومية – مصرية

قطر الندا

1 min read

شعر محمود فتحى 

يا قطر الندا
صبرك شقا

عشقك لقا
صوت الفرح
زي السواقي مسقسقه
لساها حبات الندا
تنزل علي القلب الصبا
قطرات ندا
والفوانيس
زي النجوم متلالاه
صبرك حبال الأزمنة
واصله لحد الشرنقه
طول المدي
اصل المسافه مابينا
بعدها اكيد لقا
2
حتي القمر عشق المسا
واحزانك انتي معتقه
اوعي تقولي ياقطر الندا
ان مابينا انتهي
اوعي تكون الاحزان
كسرت حدود الرضا
اوعي تكوني تعبتي من الأيام
من طول المدي
تعب الطريق .. مشاوير رحيل
هي بعينها أيام الشقا
والعشق ليل
والناي حزين
لساكي حاسه بالرضا
خايف تكوني مصدقه
اني مفارق
هواكي غارب
3
لكنه ما انتهي
بينا الهوا
حتي الكلام نغم سلطان
كل الحروف متشرنقه
اوعي تكوني مكذباني لما واعدتك
اصل القمر هيغني بكره
يطرب ببان الشتا
يركب صهيل الخيول
يبقي علي لسانك غنا
اصل الليالي هاويه المسا
من غير اسي
أوتاره عاشقه السوسنة
حتي النجوم تتدلي فضه
تمسك ضفايرك
توصل لقلبك
واحلامك النرجسه
4
والطير سفر
انات قمر
عاوزك تكوني متاكده
ان اللي مابينا
ما انتهي
عاوزك تكوني متاكده
ان الغرام أحلام
لساها قطرات الندا
جايلك وراكب حصان
ماهو حاضن الاغصان
يطوي المسافه والزمن
ويتشكل غنا
يملك عروش الدندنات والسلطنه
زي الوتر لساه في قلبي
من ميت سنه
طالع عيدان السيسبان
5
صوت الكمان
بس انتي ياقطر الندا
خليكي متاكده
ان العشق لقا
والصبر شقا
والوعد لساه ندا
واللي مابيننا غرام
عمره ماينتهي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *