الخميس. سبتمبر 19th, 2019

بوابة شموس نيوز

إلكترونية – يومية – مصرية

مراكب شمس

1 min read

الشاعر محمود فتحى – مصر

ياحضنك .
اللى واخد من الغيطان ريحته
ياقلبك ..
اللي فارش في المؤنسات سماحته
يا عشقك ..
اللي داخل بوابات البحر ..
والموج بيفرد درعته
ياحلمك ..
الراكب مراكب شمس
رحلته .. علي راحته
يا حوا ..
مين قالك تتجرأي
وتدي ادم تفاحته
ياوعدك المشتاق
ورق الشجر اشواق
من كترة الاحزان
طعم الوجع دقته
والصبر صبارك
شجر قصاد دارك
عشقك انا عشته
والسنديان فصول
لما يقول أقول
علي طول تبان صراحته
أخر نصوص العشق
حلمك انا عشته
والشمس دهبك ولونك
متعلقة في فراشته
اول ماشفت القمر
قاللي فصدقته
والليل غناوي العاشقين
قطر الندي صاحبته
والاغنيات اماني
والتمر حنه ريحته
طير النوارس سفر
هواكي طالق جنحته
والنص عشق المطر
والبرتقان مواسم
دبلان علي ارضه
والحلم جواكي حبيبتي
جواكي انا رسمته
سعف النخيل ان طال
ملايين لامتار
فالحلم جواكي ..
اكيد هيملك مساحته

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *