السبت. يوليو 20th, 2019

بوابة شموس نيوز

إلكترونية – يومية – مصرية

مش عايزه وردك يا ابراهيم

1 min read

الشاعرة سهام سامى

مش عايزه قلب و كلمتين
و لا عايزه وردك يا ابراهيم
طول ما انت قلبك مش هنا

من بين شهور كل السنه
بتقول لفبراير آمين ….
عشان سعادته فلانتين

صَرَح بيوم للعاشقين
و يا ريته حبك كان بجد
أو حتى من باب الروتين
لكن عشان ميقولش حد
انك معقد أو قديم ……

فبتلحق الموضه بيومين
ترسم قلوب على كلمتين
على شير لصوره مؤثره
مسروقه من صفحة صديق
فاسألىّ قلبك لو سمحت …

هو احنا ليه بنتوه كدا !؟؟
مع إننا ، فى نص الطرق !
فيس بوك ايه …!

و احنا البشر احساسنا ضاع
هنلاقى فين وسط البرود
أحضان تساع …….
قلوبنا بتوه بالشهور

و بتتحرم معنى الامان
يا قلوب بتخرج م القبور
و تشيل لفبراير حنان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *