الأحد. مارس 7th, 2021

بوابة شموس نيوز

إلكترونية – يومية – مصرية

“من أحاديث النفس”

1 min read

بقلم د. عزة محمود على حسن

“ياما اتمنيت”
ياما اتمنيت…………… تفوت أيام
ونسيت أنها…………………. عمري
لقيت العمر…………… عدى قوام
وراحت فرحتي……………. بدري
رجعت أنادي……….. فاضل كام؟
أتاري الدنيا……………… سمعاني
وقالت…………. كنت بين أياديك
وكنت فايتني…………. وبتجري
حاولت أشرح……. سبب خوفي
وكنت إزاي عايشها………. جبان
وقلت أتحامى……… ف ظروفي
وماضي قضيته…… ف الحرمان
قالت لي بحكمة.. “انت اخترت”
و أنا ف الحق………… ما قصرت
ناديتك…….. لأجل تيجي تعيش
دفنت الرغبة فيك….. و احترت
أنا يا ابني…………. هدى وضلال
و باجمع……… بين حرام وحلال
وسهل تعيشني………. لو حبيت
ولو هتخاف…… تشوفني محال
ولو ربك ما قالش……… “يكون”
ما كنت ف يوم… تشوف الكون
دي حكمة…….من رحيم رحمن
و سره……….في الكتاب مكنون
أبوك آدم………….. ما تاب وأناب
و ربك…………… كان كريم تواب
لكن…………….. ما رجعش للجنة
و ربك…………….. سبب الأسباب
ما دام ع الأرض….. تبقى تعيش
نصيبك في الحياة……… مقدور
ولو قصرت………… ما تلومنيش
ده حظك في الكتاب…. مسطور

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *