20 نصيحة لتكون شخص هادئ

ضيع حبة وقت.
لو أنت شخص بتشتغل على طول, فعادة انت مبتضيعش وقت و مركز فى شغلك.
بس على فكرة لازم تضيع حبة وقت و تاخد راخة عشان تسترخى, تقدر تشحن طاقتك و ترجع تكمل بنشاط أكبر.
اختار الناس اللى حواليك كويس.

اختار الناس الهادية و خليك حواليهم.
حاول تبعد عن الناس المتوترة المستعجلة دايما عشان متتأثرش بيهم و تزود من توترك.

نام كويس.
مهم عشان تكون هادى , انك تكون واخد كفايتك من النوم و حاسس انك مرتاح.

متهتمش بصواغر الأمور.
اتعود ان مش أى حاجة تعصبك و تشغل حيز كبير من تفكيرك, متخليش حاجة صغيرة تاخد أكبر من حجمها و تبوظ لك مزاجك أو يومك.
لما تقابل موقف صغير , افتكر انك عديت على كذا موقف مشابه و كلهم عدوا و ده برده هيعدى , فمش محتاجة تعصب نفسك و تضيع هدؤك.

ابتدى أى حاجة قبلها بعشر دقايق.
العشر دقاقيق دول هيساعدوك تتغلب على قلقك انك توصل متأخر بسبب أى ظروف أو زحمة, قلقك من فكرة انك متأخر او اى قلق فبتالى هتكون هادى و حتى لو حصل حاجة فهيكون عندك عشر دقايق تنقذ فيهم الموقف.
و كمان هيكون عندك عشر دقايق زيادة أو رواحة بين كل التزام و التانى.

اقلق فى وقتها.
معظم الحاجات اللى بنقلق منها بتكون حاجات لسه محصلتش اصلاو و بنعد نفكر لما هتحصل هنعمل ايه. و الغريبة ان معظمها أصلا مبيحصلش.
عشان كده متقلقش على حاجة لسع هتحصل, اقلق عليها لما تحصل فعلا و اعد فكر فيها. غير كده, حافظ على هدؤك لأطول فترة ممكنة.

قول لنفسك انك هادى.
عشان تبقى هادى , لازم تبقى مقتنع من جواك انك فعلا هادى.
ردد جواك على طول انك هادى, فهتكون هادى.

البس جزم مريحة.
زى ما بيقولوا راحة الجسم تبدأ من راحة القدمين, البس على طول جزم مريحة و هتكون اهدى أكيد.

فكر بهدوء.
كل ما تيجي تفكر , بص على مناظر هادية و مريحة زى البحر , المساحات الخضرا أو حتى السما.

اسرق 30 ثانية.
لما تتحط فى أى موقف بيعصبك أو مشكلة , اسرق 30 ثانية و وقف تفكير فى المشكلة دى و فكر فى حاجة تانية , فكر فى حاجة تبسطك هتعملها قريب مثلا.
و ممكن ال30 ثانية دول تتحرك من المكان اللى انت واقف فيه لمكان تانى حتى لو كان الحمام, المهم انك تتحرك من قلب المشكلة , و لما هترجعلها هتكون اهدى فبتالى تعرف تتصرف أحسن.

شم روايح حلوة.
الروايح الحلوة بتساعد على تحسين النفسية. عشان كده شم على طول روايح حلوة: شم ورد, رش معطرات جو فى الأوضة بتاعتك و مكتبك و أكيد متنساش ترش perfume كل شوية.

اتعلم يوجا.
من المعروف ان اليوجا بتريح الأعصاب. اعرفها و اتعلمها و كمان اتعلم ال meditation اللى هتساعدك تسترخى و كمان تتواصل مع الطبيعة أكتر.

أركب أكتر ما تسوق.
السواقة -بالذات فى مصر- بتعصب و تزود التوتر. عشان كده حاول متسوقش كتير و أى مشوار تقدر تستغنى فيه عن العربية متترددش.

تجاهل موبايلك شوية.
الموبايل الأيام دى بقى على طول بيرن سواء مكالمات أو notifications من ال mails و مواقع التواصل الاجتماعى الكتير.
خلى فيه فترة فى اليوم بتقضيها بعيد عن الموبايل و دوشته و كتر ال notifications بتاعته.

ابتسم.
الابتسامة بتساعد هلى ارتخاء عضلات الوجه وتنشر الايجابية عشان الناس كلها هتبتسملك زى ما انت بتبسملها.

أعمل شغلك فى وقته.
لو عملت كل اللى مطلوب منك فى معاده , مش هيتراكم عليك شغل أو deadlines كتير.
معروف ان ال deadlines من أكتر الحاجات اللى بتسبب التوتر و العصبية و عشان كده لازم تبعد عنها.

اتعلم تقول لأ.
نتيجة انك تقول “اه” لكل حاجة بتتعرض عليك سواء شغل , خروج, طلبات أو اى حاجة. بيبقى عندك على طول التزامات و بتالى بتحس انك على طول مضغوط.
لما حد يعرض عليك حاجة فكر انت عايزاها و لا لأ , محتاجها فعلا و هل تستحق انها تشغل وقتك و تفكيرك و لا لأ قبل ما تقرر.

انشر الايجابية.
قول لكل اللى تقابلهم مجاملات , و وزع عليهم حلويات مثلا و خليهم فرحانين و لما اللى حواليك يفرحوا انت كمان هتفرح و تحس ان كل حاجة كويسة و ان العصبية ملهاش مكان.

مارس الرياضة.
اتحرك, امشى, اجرى, ارقص, ابذل مجهود, اعرق و خرج طاقتك السلبية فى نشاط يفيدك.

اتكلم بصوت معتدل.
خلى بالك من طبقة صوتك و ابعد عن الطبقات العالية , اللى هتزعج اللى حواليك و ممكن تخليهم يفهموك غلط و يفتكروك بتزعق أو متنرفز.