بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

التوكتوك .. فوق كل قرار !

1 min read

بقلم : داليا جمال

بصراحه كده وبالبلدي .. احنا عاوزين التوكتوك ولا مش عاوزينه ؟ هل الدوله جاده في منعه أم أنها تداعب احلامنا فقط ؟
بعد أن أصبح منع التوكتوك من الوجود في الشوارع حلم من احلام المصريين بعد أن تحول مع الايام لكابوس مزعج !
فالتوكتوك.. ليس ضيفا يومين ويحل عننا ، انما هو طفيليات تكاثرت وتحولت مع الزمن الي ملايين المتطفلين في الطريق تسبب المشاكل والجرائم والحوادث .وفي المقابل وعلي استحياء …نسمع عن قرارات بترخيص التوكتوك ولا تنفذ ! وقرار بمنع استيراده ولا ينفذ !
واخيرا .. يصدر قرار بمنع استيراد قطع غيار التوكتوك .. ولا نعرف إن كان هذا القرارا أيضا سينفذ ام سيكون كسابقيه !! ونكرر قصة منع سير النقل بالمقطورة الذي ظل معطلا عشرون عاما بحجة عدم قطع الأرزاق !
الدوله تخشي من اتخاذ قرار حاسم بشأن التوكتوك خوفا علي مستقبل أصحاب التكاتك هيروحوا فين ؟
أقول لحضراتكم هيروحوا فين .. هيرجعوا شغلانتهم الأصليه ، وهنرجع نلاقي السباك و النقاش و النجار، ومنهم اللي هيرجع مدرسته ويشوف مستقبله .
لو منعنا التوكتوك وقطعنا عيش اللي شغالين عليه، هنمنع جرائم الاغتصاب المتكررة يوميا والخطف والقتل بغرض سرقة التوكتوك من صاحبه ، وهنمنع حوادثه التي تصيب الرجال والنساء والأطفال.
فعلا ..مطلوب من الحكومه اليوم أن تكون قاطعه وحاسمه في أمر التوكتوك ..إن كانت عازمه علي إنهاء هذه الظاهره المؤذيه ، بصراحه مطلوب قرار واضح بمنعه خلال مهله محدده .. ينفذ بحسم وإصرار أسوة بالمشاريع القوميه ، التي تنفذ لصالح المنفعه العامه حتي لو جارت علي حقوق أصيله لبعض المواطنين، فمابالك بالتوكتوك اللي وجوده هو أساس الإعتداء علي حق المواطنين !!
وبلاش كل شويه قرار حنين وكأننا عاوزينه يموت مع الزمن .. فالتوكتوك لن يختفي بهذه الطريقه .. التوكتوك كالحشرات الضاره لن تخلص منه الا بخبطه قويه مرة واحده ( تخلص عليه ).