بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

السما بتبكي حنين

1 min read

الشاعرة نادية مدين – مصر

ليه السما بتبكي حنين
مشتاقة نور للمسجونين
الروح عويله في حبسها
و أنا ببكى شوق على دمعها
رغم الغياب باتنفسك
بارفع إيديا تلمسك
…تتوضى نور
و تنادي روحي في محبسي
أطلق كفوفي المجروحين
و كفاية ضاع مني السنين
تصرخ وبكتم صرخها
سجاني ممكن يسمعك
وألقيني بسكن مخضعك
بتألمك وبأوجعك
يا روح ونبض المظلومين
أنا اللي دوبني الأنين
الحلم هربان في الفضا
سارق خيالي ونجمتين
صحبوا الليالي المبهجة
سهرانة بزرع في الأمل
يطلع نهار ..واروح لفين؟
وأنا قلب مل الانتظار
ورصيف حنيني متعبة
مافهش ظل وشمس نار
والقطر عدى ع السريع
لا ركبت فيه
ولا عشت من عمري الربيع
العمر بيولى مسافر
انا شفته من الشباك يشاور
بيقولي: باي
وأنا قلبي على الرصيف بيصرخ
ألف جاااي
إزاي عمري ليه يسافر ؟!
ازي من غير مانتقابل؟!
كنت تعال في المحطة الأمنة
اديني جزء م الشباب
من قبل مابقى كوم تراب
ولا عشت ليا
شكرا يا عمري يا مجدعة
راكب في قطر الصربعة
تضحك عليا
مش هنتظر منك رجوع
فهمت لعبك خدعتك
بتعشم الطفلة اللي فيا بالصبا
وبتسرق الأحلام صبية وتختفي
وبتركب القطر السريع
بتخلي قلب الشاب يضيع
مليون حبيب عدو عليا
مالقتش نبضي في العروق
مع إن قلبي كله شوق
إزاي قدرت تقتل النبض اللي فيا وتختفي
ياقطر فيك العمر والحلم
ومسافر بعيد
سايبلي ليه الشوق عنيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *