بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

السن كام؟؟

1 min read

بقلم دكتورة نسرين الرفاعي – مصر

السن دة مش رقم ولا صورة في بطاقة
هو الحياة في الزخم والضحكة ببراءة


العمر مش ليالي سهرتها بعذاب
دة الحب والأماني والأهل والصحاب


السن مش سنين عدت ما عشتهاش
العمر دة الحنين لدنيا ماشفتهاش


ولو تسألني سني هرد مين فيهم؟
أحلام ضاعت مني أوهام بناديهم
**
ولا اللي فاضل لي في الغيب بعلم الله
من غير ما اخطط لها أمشي في نور الله


سلمت أيامي للخالق القهار
وحملت آلامي لرحمة الغفار
**
يهل يوم مولدي عمري ما بستناه
يقول هنا سددي بالدمع صك الحياة
**
ديوني سددتها بالقهرة و دموعي
واللي يفيض منها سكنتها ضلوعي
**
يشوف خيالي الجموح أيامي قدامي
يعلا بسقف الطموح وبكل أحلامي
**
يارب احققها بكفاحي و بصبري
لو كنت اصدقها ارتاح بقية عمري
**
ولو حسبت عمري سنين هنا و سعادة
أنا لسه في بطن أمي جنين قبل الولادة