بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

الى الشاعر الكبير عبد الرحمن الأبنودى بمناسبة عيد ميلاده الثالث والسبعين

1 min read

عبد الرحمن الابنودى
لساك بتطرح امل
وف زحمة السخافات والموات الرهيب للحلم ..
بتحارب الشياطين ..
وبترقص ع السطور ..
رغم اندفاعك فى طاحونة السن ..
استلهمك رؤية ..
من رحلة القراءات والمنتهى الأزلى ..
قدرى اصاحبك رغم التباعد بالجسد ..
من اول الشريفين وانا لسه ع الطريق باحبى ..
ولحد علوى .. وسلامه ضحا ..
بيسلمك للنيل ..
امشى معاكم منتشى ..
واحلم ببكره الممتلىء بالخير ..
وفضلت اجرى فى الحياة ..
جرى الوحوش ..
واحلم ببكره المنتمى للحلم ..
وكل بكره يجينى مش بالقاه ..
فى دفتر الاحلام وجود ..
ولا حتى له ذكرى ..
واجرى وراك ..
على اسابق خطوتك .. وتسيبنى ايامى ..
بمرارة التجربه ..
والوهم المصاحب للوهن ..
رقم انقضاء الزمن ..
لسانى باسعى فى الحياه ..
وف جعبتى ..
حلمى القديم ..
وشوبة الورق .. اللى كانوا بينضحوا ..
فى الدنيا شعر ..
ولافيش مقارنه بينى وبين الانتباه والسكون ..
الشمس طالعة بتطحنك ..
والدنيا طاله عالسمات المفعمه بالحزن ..
وف قلبك الصراعات وتباعد المسافات ..
وبينى وبين حلمك .. مليون مسافه ..
وحلمك اكبر من اى شىء حواليك ..
طاقتك .. كيانك .. وجودك ..
امتلاكك للحروف ..
لاتشد الرحال للماضى اللى لسه مغلفك ..
وبيشحنك ..
وبرغم دوران السنين ..
لساك بتطرح امل ..
وتحارب الشياطين ..
ولسه بتجيد القفز على كل الحبال ..
ولسه بتمارس هوايتك ..
بالسيطرة فى كل حال ..

اترك تعليقاً

لن يتم نشر عنوان بريدك الإلكتروني.