الشاعرة سميرة فاضل غانم – لبنان

بدُّو يعرف شو القصة
وليش بكلامي غصة
فِكرو إنو لو بحبش
رح يلقى بحبي حصة
بس لو يسكت هالمسكين
وما يوعِّي قهري الخزين
فكرو بدو يلاقي حب
وكلام مخبى من سنين
يا خجلة هالمشاعر
قلبي بعشقو مش شاعر
مسماية على الشعّار
وما عندي لهفة شاعر
يا صديقي بهالقلب
مجمّع هم وحزن وغِلب
حتى بكعبو ما في غير
فتافيت مهرهرها الحرب
خلينا رفاق الكلمة
قابل الزيارة ببسمة
ما راحت مع رفقاتا
وجودا مع دمعي سِلمي
شو كان بدك بالتغميق
خلينا رفيقة ورفيق
كبرنا عسردات الحب
و رح يخلص فينا الطريق
سميرة فاضل غانم