تنهيده

الشاعرة إيمان مصطفى

تنهيده
وبيقلوا علينا جبال
عشان نكتم ..ولا نبين
ورغم الظلم
جوه الروح
واضح جداً ..أهوه وبين
أشوف نفسى
أصبرنى
واقول يارب ياحنين
بعطفك تروى ..فى قلوبنا
نلاقى صعبها هين
تطهر م الخراب ..روحنا
تلم جروحنا ..وتعين
نجوم تحفر ..ملامحنا
وترسم ..فينا وتزين
معانى الرحمه والاحسان
ويبقى الكل ..متدين
وتشرق شمس
شغاله
وحالفه ..الدنيا هاتصين
تلالى نسايم الأفراح
ونلقى الحلم ..متحين
ايمان

Gamal El-Din Taher

See author's posts