بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

عاوز ابقى مليونير

1 min read

بقلم عبير المداوي

لمًا عملوا مسلسل عاوز ابقى مليونير و طلعوا النصابين اذكياء و دمهم خفيف و الناس تعاطفت معهم و بقى في جزء و اثنين من مسلسل قمة في الانحطاط يعلم الناس كيفية النصب و الاحتيال ببراعه ..النتيجة طلع الف نصاب بيننا كل يوم و بطرق مختلفه و باسمي متعددة ..
لما طلع المدعو محمد رمضان يمسك السيف و السكينه و الساطور و يمشي يقتل و الناس لتقع ميته في مشهد عادي جدا كاننا دوله الموز او غابه و يروح يخاطب الناس الغلابه المغلوبه على امرها لانهم دوله تانيه متاخرة كتير و بتحاول تنفذ نفسها من الهبوط ..فيكون امام كل المشاهد الخطيرة المنحطه الف بلطجي في كل شارع و حي و مدينه اقتنعوا ان البلطجة الوسيلة الوحيدة لاحد الحق او الهيمنه و تخويف الناس و الدوله غايبه فيقوم يقتل و يذبح عادي جدا .. و بعدين يتفاجىء ان فيه شرطة و قضاء و حساب .. فيقوم هو و الملوثين يدافعوا عن شرهم و قلة أدبهم..
لما طلع زنا المحارم في الروايات و الاغتصاب و الستات السافله و الافلام الساقطه كانت النتيجة طلع لنا حوادث كتيرة مثيرة للاشمئزاز في منتهى الخسه و الوضاعه ..
لمًا فتح باب قنوات السوشيال ميديا و كل واحد معه تلفون موبايل يبقى سهل يصور بيته و حياته و فجاة طفحت البلاعه باشياء مقرفه .. حقيرة و رخيصه و للاسف تعبر عن ثقافة مجتمع ..فكانت النتيجة كل الناس بتجري تعمل فلوس من الهوا انشر فضايحهم و بالاضافة هيكونوا مؤثرين ..و محدش سأل نفسه سؤال واحد.. ليه ابلكيشن يعطي لك فلوس على سخافاتك ؟؟؟!!!!
و مع انعدام الضمير اصبح الخطر الاكبر في كل هولاء المؤثرين و الصفحات المفتوحة و القنوات اصبحوا مثل السوس في جسد الوطن ..
لما طلع علماء الدين للمنصات الاعلاميه اصحاب الاظرف اللي بالاف نسوا الدين و لخبطوا الدنيا و طلع امامهم منكسين محرفين مزورين الدين ..
كانت النتيجة ملايين الملحدين ..
غياب الضمير في المجتمع مع كل ما سبق يبقى كده ده مستنقع للجرائم و مجتمع مفتت على وشك الانهيار بوطنه و دولته…
دي الخطة اللي تحدثت عنها كتير و مش من كلامي وحدي بل لو ترجعوا لمذكرات اللواء الطيار. محمد ابو بكر حامد قال فيها الكتير ان خطة احتلال مصر القادمة لن تكون حرب مع جيش مصر ابدا بل مع المجتمع ..