بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

فلول الإرهاب

1 min read

الشاعرة د. نسرين الرفاعى – مصر

فلول الإرهاب
فجرونا مش مهم مصر بس تهمنا
عيشونا ليالي غم بس مصر تكون لنا
**************
موتوا لنا كام شهيد ماانتوش اكتر مننا
بدِلوا كلابكم بصفقة بس رابحة عندنا
*********************
إحنا بنحرر اسودنا من السجون تعود لنا
كل صفقة وراها قصة بطلها واحد مننا
**************
دي عيوننا في أي دولة طامعة تنهب أرضنا
الأسود أرواحها جاهزة تفتدينا كلنا
*******************
حركوا لنا خلايا نايمة عايزة تنهش لحمنا
إحنا كاشفينهم ولكن بكرة ينفذ صبرنا
**************
رغم كل سواد قلوبكم لسه أبيض قلبنا
تشتموا بلدكم بخسة تحتموا بعدونا
*******************
كل اشاعاتكم غرضها تيأسونا في حلمنا
مهما شوهتوا الحقائق لسة جامد عزمنا
****************
انهزمنا و اتنكسنا بس خُضنا حربنا
انتصرنا في كل مرة التاريخ يشهد لنا
**************
حرب ع الارهاب قدرنا واحنا جاهزين كلنا
جييشنا ويا الشعب وحدة عمر شئ ما يهزنا
*********************
تضربونا و تستخبوا فين تروحوا مننا
ايدنا طايلة فين ما كنتم حتى برة مصرنا
********
من فلولكم راح ننضف كل شبر في أرضنا
الجبل بيعود حلالنا في سينا يكمل نصرنا
*******************
يرجع الأمن لبلدنا والوفود ترجع لنا
الأمل دب في قلوبنا يقوي ضحكة شعبنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *