بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

قلبك حجر

1 min read

الشاعرة مرفت موافي

قلبك حجر
بعد اللى شفته منك
كان لازم ابعد عنك
ولا هرحم تانى دموعك
ولا اتمنى فيوم رجوعك
افتكر مين اللى باع
افتكر مين اللى ضاع
مين اللى خد سرى
وذاعه عالمشاع
مين اللى حطم قلبى
وسابنى للضياع
انا كنت طفلة بريئة
نفسها تعيش وياك
ولعت قلبى حريقة
وروحت تعيش هناك
شفت منك دنيئة
كرهتنى فى هواك
انت قلبك حجر
لو قلبى جبل من الصبر
من ظلمك كان اتكسر
افتكر مين كان جنبك
بيساعدك عالايام
مين كان بيسهر
الليل عشان تنام
مين اللى بنى قصور
وفى الاخر طلعت اوهام
كنت فرحان بذلى
وبضعفى من سنين
شوف مين هيتحملك
وتعالى قولى مين
انا كنت اخر قلب
حبك فى الدنيا دى
كنت بحضن غضبك
عشان تبقى هادى
كنت بعديلك واسامحك
عشان تبقى راضى
وكل مرة تظلم
وترحل من سكات
وتسبلى شوق فقلبى
وانين واهات
آآآآن الاوان تعرف
خلاص الحب مات
انت قلبك حجر
كان قلبى جبل من الصبر
من ظلمك اتكسر
ورايح تحكى حكاياتى
فاكر غرورك انتصر
اسمحلى اقولك مرة
انتا مش بشر
وفيك كل العبر
واللى عملته فيا
كله سلف ودين
ومهما تطول السنين
هتشوفه من القدر
ممكن الحزن يملانى
وتطول الايام
ولو اى حب جانى
هبعد واعيش فى سلام
لكن فى يوم هنساك
واقدر بسهولة انام
كتر الاسية قطعت
عروق المحبة
وجرحك ليا معلم
مش ممكن يستخبى
ربنا شايف وعارف
وحاسس بكل دابة
لو مشيت على المية
وجبتلى ايام تانية
غير اللى ضيعتها فى هواك
انا عندى اسيب الدنيا
ولا ارجع استناك
انت قلبك حجر
كان قلبى جبل من الصبر
من ظلمك اتكسر
كلمات الشاعرة مرفت موافى موثق من ديوان معجزة ضمن اصدارات الاتحاد العالمى للشعراء والمبدعين العرب