بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

مافيش فايدة

1 min read

للشاعرة مرفت موافي

من ديوان نفسي اعيش
انا فارقته بارادتي
وحافظت برضه علي كرامتي
ومابين وحدة وبين اهة
بهرب من همي في صمتي
عشان ماحدش يتآمن
ولا بيعاشر بالمعروف
وبيكون الجزاء دايما
خيانة بس عالمكشوف
وانا اللي استهاهل
عمري المتخزن ف رفوف
وايه يفيد ما خلاص
اتقطع جلد الدفوف
وماتت فرحة بحلمها
نورها ما يفرح مكفوف
يلا يا قلبي خبي جروحك
وموت بوحك
اتوحش القلب العطوف
قضي حياتك
لف وطوف
مجد ماضي
العن ظروف
عيش الخوف
ماتوا الوف
وعاشو الوف
ايام بتعدي
ما بين ارواح عالارض بتتعذب
وارواح شهدا بتطوف
واهي ايام وبتعدي
نشتهي فيها الدنيا
واكتر ايامها بتعوف
كل المعاني الحلوة فيها
فقضيها مش هتعمر فيها
مهما تلف ومهما تطوف
كفنك مستني وملفوف
مافيش فايدة
خلاص من العند
ادفن وشك بكفوف
كلمات الشاعرة مرفت موافي
من ديوان نفسي اعيش٢٠١٤