الأثنين. يوليو 26th, 2021

بوابة شموس نيوز

إلكترونية – يومية – مصرية

مش بإيدي

1 min read

الشاعرة عزة محمود على حسن

مش بإيدي
لما تخطفني بكلامك
باهتمامك
وببداية كانت جميلة
غلفها حنان ابتسامك
وف سلامك
شوفت شئ جواك
عشاني… اشتهاني
رغم إنك مش أناني
قلت أعيد الكلمة تاني
أنت تقصدني بكلامك؟
أبجدية عشق صامت
كل حرف بكون بحاله
مفرداتك ركن ثابت
جوه عالم تاه مجاله
وابتدت قصة غرامك
انكسر جوايا خوفي
من حروفك جت حروفي
وانت بتلامس كفوفي
خدتني من فوق رفوفي
دوبت فيك.. حسيت آلامك
جاي تقول لي أعذريني
باعشقك بس افهميني
احتياجي إليكِ ضعفي
ليه بخوفك تبعديني؟
ووجعت حنيني بملامك
عاوزة أقولك إني عاشقة
تتهمني تقولي……… لأه!
الغرام والشوق يا عمري
فرحة وياك مش مشقة
ليه بتبعدني بخصامك
كل واحد فينا شايف
راحته ف حبيبه وخايف
بعشقك طب ما أنت عارف
ده الحنين فوق الشفايف
ليه أعيش حلم ف منامك
مش بإيدي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *