بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

(من ديوان نفسى اعيش)

1 min read

الشاعرة ميرفت موافي

لما تعافر فى الدنيادى
مليون مرة ومابتنجحش
وتغرق فيها كانك تايه
الف طريق ومابتوصلش
ولما تساعد قلب ضعيف
وبتحول قدامك وحش
ولما الكل يدبح فيك
بسكينة تلمة وما بتدبحش
واللى تحبه يخونك دايما
واللى تصونه يطلع روحك
حتى الولد اللى تربيه
يصبح هو كل جروحك
اذكر ربك دايما وانسى
حاول تفرح وماتزعلش

$$$

ولما تحس انك
هتعدى من غير ذكرى
ميت ميت لحظة تودع
او تتأخر ساعة لبكرة
وانك مخلوق فيها تعانى
والجنة مش بس امانى
اوعى تضيع وقتك فيها
قبل ما ربك يفنيها
ازرع خير هتحصد خير
ذى ماتزرع تجنيها
حاول توصل باب التوبة
حاول حاول ماتستسلمش

#

ربك هو اللى مدبرها
بس تصلى
بكل خشوع ودمع تجلى
ولما تلاقى فقير بيعانى
حالته تبكى
ابقى اتصدق يوم والتانى
وابقى تزكى
واياك تشكى اللى خالقها
كلمة منه يدمرها
ونظره رحمة تنورها
ماتجادلش وماتكفرش
حبه وبس
يمكن مرة بنوره تحس
واوعى تسلم قلبك مرة
لحد يذلك كل العزة فى طاعة ربك
كل الدنيا مافيها يزول
وربك بس اللى فاضلك
حاول توصل باب التوبة
ماتستسلمش

$$$$$$#######$$$#$

ولما تشوف الظلم ماليها
والاوغاد بيدنسوا فيها
والام بتبكى على ولدها
ودموعها ماليه عنيها
واصحاب الارض اصبحوا لاجئين
وشرف الارض اتهان فى الطين
واللى تنادى على شرفها
وبتصرخ فى المسلمين
لازم تغضب
اصرخ زعق
غير حارب
انفض عنك كل الراحة
بكل صراحة لازم تضرب
حاول ترفع ظلم فى ارض
حاول مرة تقول الحق
لازم ترمى الخوف من قلبك
قبل الكرب مايشتد
احسن ييجى الظلم عليك
والغرب يكبل فى ايديك
وابواب الرحمة هتتسد
قول انا عبد وعندى رب
يالا نقيم عالظالم حد
المهم انك تحاول
المهم ماتستسلمش

#

يالا نحارب
ايه المانع
دحنا جيوش تهز العالم
تقدر تدفن اى طامع
يا محلا شهادة
فى حب الله
ترحم بيها عباد الله
قبل ما كرسى الساسة يخونك
وتغادر على باب النار
يالا نحارب
احنا هنقدر ناخد الطار
موت بكرامة
لو هتخاف هتعيش فى مهانة
انت وانا
نكتب كلمة رصاص عالنت
تصحى النخوة فى رجالة ماتوا
وتحفز الواد والبنت
اكتب كلمة يمكن توصل
لحاكم سوريا ليبيا ومصر
وحتى الموصل
لازم نوصل حبال الود
قبل القدس ما يتهد
المهم ما طنييييش
حاول حاول ماتستسلمش

#

اكتب كلمة تصبر بيها
ام المصرى اللى شافت ابنها مدبوح
ترفع ايد البطش فى سوريا
وترجع لفلسطين الروح
انصر ليبيا عندنا فوبيا
واخدبنها نوم من كتر الخوف
اصحى وفوق ليه مكتوف
كل الوطن العربى هيسقط
عرضنا اهو بقى مكشوف
اعمل حاجة
حاول حاول ماتستسلمش
#######$########$$####
وان مقدرتش تعمل حاجة
وحسيت انك مغلوب على امرك
ادعى المولى ينصر عبده
ويرفع ظلم الناس عن ارضه
قوم اتوضى وصلى ف فرضه
بمكن دعوة تفرج هم
على مسجون فى الزنازين
يمكن كلمة تحرك راجل
يفكرنا بصلاح الدين
يمكن تحصل معركة تانبة
وترجع امجاد حطين
عمر المختار لسة ما مامتش
ولا شنقوه من سنين
لازم ليبيا ترجع تانى
لازم سوريا ترجع تانى
لازم كل الوطن العربى
يجمد خوفه
ويحرر كل فلسطين
يمكن دعوة تهد الظالم
يمكن قلمك يقراه الحاكم
اعمل حاجة يابن ادم
حاول حاول

ما_تستسلمش

من ديوان( نفسى اعيش )
صدر عن دار النشر المصرية بالقاهرة 2014