بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

من موسوعة الأمثال العامية.. 5

1 min read

موسوعة الأمثال العامية:-

هى توثيق للأمثال العامية المصرية التى تعبر عن روح الشعب المصرى وتاريخه وأصالته وهى لفترات تاريخية عاشها أبناء وادى النيل.

موسوعة الأمثال العامية تضم حوالى 5000 مثل شعبى فى كافة الموضوعات مرتبة أبجدياً.

ويعتبـر المثل العامى من أكثر فروع الثقافة الشعبية ثراء، حيث يجسد المثل العامى تعبيراً عن نتاج تجربة شعبية طويلة تخلص إلى عبرة وحكمة.

ومجموعة الأمثال الشعبية تكون ملامح فكر شعبي ذى سمات ومعايير خاصة، فهي إذن جزء مهم من ملامح الشعب وأسلوب حياته ومعتقداته ومعاييره الأخلاقية.

كما أن الأمثال الشعبية تؤثر بشكل كبير على ثقافة الشعوب وتلعب دوراً فى تمسك الفرد بعادات وتقاليد مجتمعه، حتى فى عصرنا الحاضر مازالت الأمثال الشعبية تستخدم بين مختلف الطبقات الإجتماعية، حيث يتم تداولها بشكل واسع فى البرامج التليفزيونية والأعمال الدرامية من أفلام ومسلسلات.

كانت هذه الأسباب أحد أهم الأهداف التى دفعتنا لإصدار كتابنا الأول بعنوان “موسوعة الأمثال الشعبية” فى طبعته الأولى عام 2005 ، والعمل على إعادته طباعته مرة أخرى فى عام 2008.

موسوعة الأمثال العامية تأليف جمال طاهر وداليا جمال طاهر، صدرت الطبعة الأولى منه عام 2010. الإخراج الفنى للكتاب: نهى جمال الدين.

ومن الأمثال التى تضمنتها موسوعة الأمثال العامية:-

–    أبوك ما خلف لك عمك ما يديك
–    أبوك ما هو أبوك وأخوك ما هو أخوك
–    أبويا وطانى وجوزى علانى
–    أتابيك يا ضيف منتش صاحب محل
–    اتقى دعوة الوليه فى عز الظهريه
–    اتكلم بإحسان لحسن الحيطان لها ودان
–    اتلم المتعوس على خايب الرجا
–    اتلمت الحبايب ما بقاش حد غايب
–    اتمسـكن لما تتمـكن

–    بيضه من دـيك
–    بيطلع من ضهر العالم فاسد
–    بيع الدهب واشترى العتب
–    بيع بخمسه واشترى بخمسه يرزقك الله من بين الخمستين
–    بيع واشترى ولا تنكـرى
–    بيعملوها الصغار وبيقعوا فيها الكبار
–    بيعوم وبيحرس هدومه
–    بيعه ولا ترهنـه
–    بيغرق فى شبر ميـه

–    تاجر جديد مربـح ما بيريـد
–    تاكله يـروح تفـرقه يفـوح
–    تبات تعلم فى المتبلم يصبح ناسى
–    تبات نار تصبح رماد لها رب يدبرها
–    تبقى عورة وبنت عبد ودخلتها ليلة الحد
–    تتكحل بإبـره وتتخطط بمسمار
–    تجرى جرى الوحوش غير رزقك ما تحوش
–    تجيك التهايم وانت نايم
–    تحت البراقع سم ناقـع
–    تحت القبـه شيـخ

–    إلمرسال لا ينضرب ولا ينهان
–    إلمرضعه بتاكل قد أربعه وإن جاعت بتاكل الحمار والبردعه
–    إلمركب اللى تودى أخير من اللى تجيب
–    إلمركب اللى لها ريسين تغـرق
–    إلمركب اللى ما فيهاش لله بتغرق

–    نايم لا فوقه ولا تحتـه
–    نجى العذرا قبل الحبلى
–    نسيبـك من نصيبـك
–    نشفت البركه وبانت زقازيقها
–    نص الألف خمس ميه
–    نص البلد ما يعجبنى وأنا أعجب مين
–    نص العمى ولا العمى كله
–    نص الفطـره خـروب
–    نص الكلام مالوش جواب
–    نص المونه ع الطابونه

مواضيع ذات صلة:-

من موسوعة الأمثال العامية.. 4

من موسوعة الأمثال العامية.. 3

من موسوعة الأمثال العامية .. 2

من موسوعة الأمثال العامية

اترك تعليقاً

لن يتم نشر عنوان بريدك الإلكتروني.