بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

نفسي اعيش

1 min read

الشاعرة ميرفت موافي

لو سمحتم
كتر الكلام خلاني ابات متحيرة
جيتكم عشان
نفسي اقول الهجر غول والعمر مدة قصيرة
ليه الملام والمعيرة
نعيش بنحقد
وننام قلوبنا متغيرة
ما دام حياتنا
بالهموم مضفرة
طعم المرار واخد قرار
ينسينا اي ذكري معطرة
ليه الملام والمعيرة
لا الحياه فيها حاجة حلوة
ولا بنبوناية مسكرة
لعب وخداع ومسخرة
فبلاش ملام ومعيرة
سكينة الاهل جرح غاير
بلاش عفيجة وعنترة
ليه تجرح او تعاير
ما حياتنامن الافراح مشفرة
وارصدتنا من السكينة مأشفرة
واثار تعبنا عالوجوه وكاننا
هربانين من قصورة
فبلاش ملام او معيرة
خطواتنا غرقانة فشل وحياتنا بترجع وري
فبلاش ملام او معيرة
كفة ميزانك موضوعة
والحساب علني المكان
كلمة السو ء مسموعة
حكمة واتقالت زمان
وكل الناس موجوعة مش لاقية رحمة أو امان
ودنيتنا اتولدت عجوزة
لا كانت حلوة ولا متغندرة فبلاش ملام أومعيرة
صلة الارحام دي صعبة
وجزاءها غالي و كبير
والقرايب جاتهم ضربة
عايزين صبر عليهم كتير
مابنصدق نوصل مابينهم
وننسي عينهم المدورة
فبلاش ملام أو معيرة
واي زيارة تصلح بيبانهم. المكسرة
غرامة وفيزيتا متسعرة
فبلاش تعتت في الوري
بناقص كلام أومعيرة
انت مش هتعيش كتير
ملطوط في رحاية مدورة
دا الكلام وزن القناطير
يبان صغير وهو كبير
مكانك زمهرير وسعير
ماتقول خيرا او لتصمت
بدل ما تتوه في هل تري
انت مالك باللي راح واللي عاملة صغيرة
مابلاش كلام او معيرة
بنصاحب وكاننا في غربة
بنعيش من غير ضمير
ومن شال بكيفه القربة
ينهش فيها الطير
وتخر قدامه ووري
فبلاش
كلام ومعيرة
كلمات مرفت موافي
ديوان (نفسي اعيش )