بوابة شموس نيوز

إلكترونية – يومية – مصرية


Warning: sprintf(): Too few arguments in /home/shomos/public_html/wp-content/themes/newsphere/lib/breadcrumb-trail/inc/breadcrumbs.php on line 254

هكذا تأتي ..المليارات !

1 min read

بقلم داليا جمال

في الوقت الذي تعاني فيه الدوله من أزمة توافر الدولار والعمله الصعبه تتجاهل الحكومه حلولا سهله وبسيطه قادره علي حل الأزمه دون اللجوء للاقتراض من صندوق النقد الدولي بشروطه المفزعه .
مثلا …. عندك ١٠ ملايين مصري يعملون بالخارج ، فلماذا لا تسمح الحكومه لهم باستيراد سياراتهم بدون جمارك مقابل وديعه ١٠ الاف دولار في البنك المركزي بدون فوايد ولمدة ٥ سنوات ، وبكده هتوفر ١٠ مليار دولار بدون سلف ولا ديون ، وهذا الحل عرضه خبراء اقتصاد علي الفيس بوك ..يعني حل منتشر أهه، بس نفذوه !
والأهم بقي ….لماذا لا تقوم الحكومه بفتح أبواب الجامعات الحكوميه في مجالي الطب والهندسه والصيدله للطلاب الحاصلين علي الثانويه البريطانيه والأمريكيه ، بدلا من تخصيص نسبة ٥٪ فقط لهم علي الأقل دول بيتكلموا إنجليزي صح ، وتعليمهم راقي، مقابل دفع مصروفاتهم باليورو والدولار للحكومه ، بدلا من فتح الباب للوافدين العرب بمجموع ٧٠٪ وبمبالغ زهيده جدا وكمان تخفيض المصروفات بنسبة ٥٠٪ لبعض الجنسبات و ٩٠٪ لجنسيات اخري !!
يا سيدي علموا أبناء مصر بفلوسهم ودولاراتهم أولي ، بدل الغرباء ، ووفروا للدوله مليارات الدولارات ، وحافظوا علي انتماء ولادنا لبلدهم بدل ما يطفشوا للخارج ويدفعوا بالدولار للجلمعات الأجنبيه ، أما الوافدين فيتعلموا في الجامعات الأهليه بدولارات أيضا ، وبكده المليارات هتدخل خزانة الدوله فعلا ، لأن طلابنا المصريين أكتر بكتير من الوافدين من جنسبات اخري ..ومش عاوزين تخفيض من الحكومه كمان ، عاملوهم زي الأجانب .
وأخيرا وليس آخرا …انتبهوا جيدا للسياحه لأنها بالفعل الحصان الرابح وسط تغيرات مناخيه رهيبه تحدث حولنا .السائح تأسره الطبيعه البكر في سيوه وزارة الري تجفف بحيرة فطناس !! والسائح يعشق القاهره العريقه ، وكارهي الخضره يدمرون شوارعها ويقضون علي اشجارها ومتنزهاتها ، والسائح عاوز دورات مياه آدميه في الشوارع وأمن يحميه في تنقلاته من التحرش ، علشان ييجي ويصرف ويتأمل في مصر بلد الحضارات القديمه ، مش بلد الكباري !
لو عاوزين مليارات..فالطرق كتير…وسهله ، لكن التنفيذ محتاج فكر جديد وجرأه في اتخاذ القرار .