وشوش زايفة
1 min read
بقلم شيرين شيحة
وبتعلمنا دي الدنيا دروس ودروسْ
ساعات تهدينا أفراحها
ساعات فوق روسنا قاسية تدوس
قالوا ودروسها بالمجان؟
_ ما فيش مجانْ
دي دنيا وكل شيء بفلوس
قالو وتمنها؟
قلت : كتير
وبنسدو قلوب ونفوس..
ونستنى ونستنى
يمر الصعب ف أيامنا
فيجري العمر قدامنا
ما نلحقهوش
ونستنى ونستنى
نعيش العمر بشروطنا..
فما نعيشهوش
ده سر الصبر في مراره
وقيمة العقل في قراره
وحلو العمر ف أقداره
وحتى لو قدر قاسي
حكيم العقل ما فهمهوش
ما هي الدنيا وشوش زايفة
بصير القلب بيشوفها
وشوش تانية
ولابسة وشوش.
شيرين_شيحه
