الأربعاء. مايو 12th, 2021

بوابة شموس نيوز

إلكترونية – يومية – مصرية

ولكل أحفاد ابرهه

1 min read

الشاعر محمد المخزنجى

الشاعر محمد المخزنجي – مصر

النيل نماء
النيل وفاء
النيل عطاء
النيل امل
النيل بيهدي الفلاحين
مفتاح عمل
النيل محبة والتزام
النيل اصيل
قصر الكلام
يا اللي انتوا ضليتوا السبيل
الرب قال
(ألم يروا انا نسوق الماء الي الأرض الجرز)
ف النيل اعز
من حبس موجه في سدكم
ضرب الجرس
والصبر طال علي صدكم
ف المية مش من عزكم
يا كل أحفاد ابرهه
اقروا التارخ
وبلاش تكونوا
ناس بتحفر قبرها
تبت يدا كفين بتسعي
تسد عين السلسبيل
تحلم تعدي المستحيل
يا موهومين
ده النيل من الجنة
هبة الاله
مش فضل او منة
شلال بيجري في دمنا
واكيد حناخد حقنا
وان كان سلاحكم
في الضلال
يشبه سلاح الحقد
عام الفيل
حتما ولازم تعرفوا
جيش مصرنا
رافع رايات النصر
شامخ كاالنخيل
عمره ماكان يوم معتدي
لكنه وقت الحق طير ابابيل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *